 |
| Լուսանկարը՝ albawaba.com |
Այս անգամ` սաուդյան կինն իրեն վիրավորողին պատասխան է տալիս … ավելով:
Youtube-ում այս շաբաթ տեսանյութ է հայտնվել, որը ցույց է տալիս, թե ինչպես է կինը կարողանում իրեն պաշտպանել այն տղամարդուց, ով պատրաստվում էր հարձակվել իր վրա:
Դա միակը չէ նման տեսանյութերի շարքում: Անցյալ ամիս միջազգային լայն արձագանք ստացավ այն տեսանյութը, որտեղ երկու կին շրջապատված են եղել իրենց վիրավորող մի խումբ տղամարդկանցով:
Ինչպես նախորդ ամսվա , այնպես էլ այս տեսանյութը նույնպես քննադատությունների և ծիծաղի առիթ դարձավ: Ահա այդ տեսանյութի առթիվ հնչած պատասխաններից մի քանիսը:
«Կարծում եմ այս դեպքից հետո նա այլևս ոչ ոքի չի անհանգստացնի:
Սա ավելի լավ է, քան օրենքը սեռական ոտնձգության մասին:
Նա ստացավ այն, ինչին արժանի էր. կանայք խաղալիք չեն, որ ցանկացած պահի խաղաք նրանց հետ:
Ահա, ուրեմն սրանից հետո այսպես պետք է անենք»:
Պետք է ասել, այս տեսանյութը և' զվարճալի է, և' կարևոր: Այն տեսանյութերի պես, որտեղ կանայք պատմում են սաուդյան խայտառակ կրոնական ոստիկանության մասին կամ որտեղ խիզախորեն ընդդիմանում են մեքենա վարելու արգելքին, սա շատ ուժեղ պատասխան է թագավորությունում արդեն երկար ժամանակ առկա երևույթի դեմ:
Բայց չեմ կարծում, որ պետական մակարդակով որևէ փոփոխություն կլինի:
Երբ ԶԼՄ-ների ոգևորությունն նախորդ ամսվա տեսանյութի շուրջ մարեց, ոչինչ տեղի չունեցավ: Եվ չնայած այս վերջին տեսանյութի տարածվող հաջողությանը` հավանաբար ամեն բան մնա այնպես, ինչպես կա:
2014 թվականին սեռական ոտնձգությունների դեմ բողոքների աճի պատճառով Սաուդյան Արաբիայի Շուրայի խորհրդի Սոցիալական կապերի կոմիտեն սկսեց քննարկել սեռական ոտնձգության մասին նոր օրենք, որտեղ մեղավորը կպատժվի մինչև 500,000 սաուդյան ռիյալ տուգանքով(մոտ $130,000) գումարած հինգ տարվա ազատազրկում: Չնայած շատերն էին կողմ օրենքի ընդունմանըև հաշվի առնելով նաև վերջին ամսվա տեսանյութի փաստը,այնուամենայնիվ , օրենքի առաջարկված նախագիծն այս տարի խորհրդի կողմից չեղյալ հայտարարվեց:
Ստորև դիտեք տեսանյութը:
Comments
Post a Comment