Skip to main content

Ֆեմինիստ Ալյոնա Պոպովան ռուս հաղորդավար Ա․Գորդոնի «պորտը տեղն է դրել»

Լուսանկարը՝ ridus.ru
Մոսկվայի Սավելևյան դատարանը մերժել է հեռուստահաղորդավար Ալեքսանդր Գորդոնի հայցը, ով ցանկանում էր 800 հազար ռուբլի փոխհատուցում ստանալ իրավապաշտպան Ալյոնա Պոպովայից:

Պոպովայի և Գորդոնի փոխադարձ մեղադրանքների պատմությունն սկսվել էր գարնանը` մարտի 17-ին «Տղամարդկայինը և կանացին» հաղորդման ձայնագրութունից հետո: Իրավապաշտպանի խոսքերով, նրան ստուդիա էին կանչել որպես ընտանեկան բռնութան ոլորտի մասնագետի:

Հաղորդման ձայնագրման ընթացքում Պոպովան գտնվել է այլ հյուրերի հետ մի սենյակում, որոնց թվում են եղել Մոսգորդումայի պատգամավոր` Իննա Ցվետենկոն և Պետդումայի պատգամավոր` Ալեքսանդր Ստորովոյտովը: Նրանք բոլոը պատի հետևից լսել են, թե ինչպես է Գորդոնը հաղորդման ողջ ընթացքում ստորացնում հաղորդման հյուր` Նատալյա Սեմիկովային, ով պատմում էր այն մասին, թե ինչպես է իր քաղաքացիական ամուսինը ծեծում իրեն: Սակայն Գորդոնը եզրակացրել է, որ Նատալյան ինքն է ամեն ինչի մեղավորը:

Երբ խոսքը տրվեց Ալյոնա Պոպովային, նա ուղղակիորեն ասել էր այն ամենը, ինչ մտածում է հաղորդավարի մասին: Սակայն ի պատասխան իր ասածի նա լսել է, որ ինքը հիմար է, ինչից հետո Պոպովան հեռացել էր ստուդիայից:

Ապրիլի մեկին հաղորդումը եթեր տրվեց, սակայն կոնֆլիկտի մեծ մասը մնացել էր կադրի ետևում: Հաղորդման ավարտին երևաց Պոպովայի դատարկ աթոռը, սակայն իրավիճակին անծանոթ հեռուստադիտողը դժվար թե դրան մեծ ուշադրություն դարձներ:

Քրեական գործ

Սկանդալը հասունացավ հաղորդման ձայնագրության հենց հաջորդ օրը: Մարտի 18-ին Ալյոնա Պոպովան Facebook-ում հայտարարեց, որ նպատակ ունի հայց ներկայացնել Գորդոնի դեմ : Վերջինս ի պատասխան, Կոմսոմոլսկայա Պրավդայի հետ հարցազրույցում ասաց. «Ուրեմն թող նա դատարանում ապացուցի, որ հիմար չէ»:

Սակայն Պոպովան, իր փաստաբան Օքսանա Միխալկինայի խորհրդով դիմեց իրավապահ մարմնին` քրեական գործ հարուցելու դիմումով: «Ես Գորդոնի խոսքերում նկատեցի 282-րդ հոդվածին առնչվող ենթատեքստ, որի նպատակն էր "կին" սոցիալալան խմբի դեմ ատելություն հրահրելու փորձ կատարել»,- ասել էր Միխալկինան:

Փաստաբանի խոսքերով, իրավապահները ընդունել են դիմումը: Ներկա դրությամբ գործով անցնող բոլոր վկաները հարցաքննվել են, Գորդոնի արտահայտություններն ուղարկվել են հոգեբանա-լինգվիստիկ ստուգման, որի արդյունքները պատրաստ կլինեն աշնան սկզբին: «Անձամբ Գորդոնը հրաժարվել է համագործակցել իրավապահների հետ, հղում անելով Սահմանադրության 51-րդ հոդվածը -Ոչ ոք պարտավոր չէ ցուցմունք տալ իր և իր հարազատների դեմ»,- նշել է Օքսանա Միխալկինան:

Գորդոնը հասցնում է պատասխան հարված


«Հունիսին ես ու Ալյոնա Պոպովան զարմանքով իմացանք, որ Մոսկվայի Սավելևյան դատարան Գորդոնի կողմից հայտ է ներկայացվել պատիվն ու արժանապատվությունը պաշտպանելու դիմումով»,-շարունակում է պատմել Միխալկինան: Նրա խոսքերով, հաղորդավարն իրավապաշտպանի խոսքերում նկատել է վիրավորանք, որը կարող է վնասել իր աշխատանքային հեղինակությանը: Դիմումին հայցվորը կցել էր համացանցում Պոպովայի կողմից արած հայտարարությունների սքրինշոթերի 36 օրինակ:

Որպես փոխհատուցում, հայցվորը պահանջել էր վճարել 800 հազար ռուբլի, չհաշված նոտարի 50 000 և դատարանի 10800 ռուբլին: Այն հարցին, թե որն է այդչափ գումար պահանջելու պատճառը, Գորդոնի ներկայացուցիչները նշել են, որ դա կազմում է նրա մեկ ամսվա աշխատավարձի գումարը:

Օգոստոսի 18-ին, դատարանը գործը քննելուց հետո որոշում կայացրեց մերժել հայցը: «Ուսումնասիրելով գործի նյութերը, մենք եկանք այն եզրակացության, որ կոնկրետ Գորդոնի հասցեին ուղղված որևէ վիրավորական արտահայտություն Պոպովան չի արել»,- նշել է փաստաբանը։ «Ավելին, մենք պարզեցինք, որ սկանդալից հետո հաղորդման վարկանիշը բավականին բարձրացել է: Մենք այդ մասին տեղեկացրինք նաև դատարանին: Հետևաբար այստեղ չի կարող խոսք գնալ աշխատանքային հեղինակությանը վնաս հասցնելու մասին»:

Պատասխան հայցը և գործի հետագա ընթացքը


Մարդկանց սեռային պատկանելիությունից ելնելով նրանց վիրավորելու համար Ռուսատանի Դաշնության դատական պրակտիկայում հարուցված քրեական գործ դեռևս չի եղել: 282-րդ հոդվածը, որը նախատեսում է 2 տարվա ազատազրկում, ուղղված է Սահմանադրությամբ ամրագրված մարդու իրավունքների պաշտպանությանը, որը երաշխավորում է անձի արժանապատվությունը ընդունելը և հարգելը, անկախ սոցիալական կամ ֆիզիկական նշաններից:
Լուսանկարը՝ ridus.ru, փաստաբան Օքսանա Միխալկինա

« Այսպիսով, մենք կարող ենք ասել, որ 282-րդ հոդվածը վերաբերում է ոչ միայն ազգային հողի վրա ատելության առաջացմանը և որ այն միայն "ռուսական" հոդված չէ, ինչպես ընդունված է ասել: Մենք խորհրդակցել ենք անկախ փորձագետների հետ և կարծում ենք, որ Գորդոնի գործն ունի դրական առաջընթացի հնարավորություն: Այս գործով մենք նպատակ ունենք ընդգծել, որ լրագրողներն իրավունք չունեն խախտել էթիկայի կանոնները : Իր հայտարարություններում Գորդոնը հղում է անում խմբագրության քաղաքականությանը, ասելով, որ մասնակիցների հետ պրովոկացիոն ձևով խոսելու ոճը նախատեսված է ծրագրի հենց սկզբից: Սակայն այդ մասին անհրաժեշտ է մասնակիցներին տեղյակ պահել նախապես»,-ասում է փաստաբանը: 

Նրա խոսքերով, գործը միայն 282-րդ հոդվածով չի սահմանափակվի և Պոպովան մտադիր է ներկայացնել քաղաքացիական հայց` Կոմսոմոլսկայա Պրավդային տված հարցազրույցում Գորդոնի կողմից իրեն ուղղված "հիմար"վիրավորնաքի համար վերջինիս պատասխանատվության ենթարկելու նպատակով:
Աղբյուրը՝ ridus.ru

Comments

Popular posts from this blog

Հայերեն քֆուրների վերլուծություն. Ինչպե՞ս են օգտագործվում կնատյացության կոնտեքստում

Մի քանի օրինակներ, որոնցով հասարակությունը ողջունում է կանանց նկատմամբ ատելությունը. Ինչպե՞ս պայքարել դրա դեմ Հասարակությունը կանանց չի սիրում և հետևաբար նաև նրանց հեշտոցները։ Շատ վաղ տարիքից մեզ սովորեցնում են, որ հեշտոցները կամ կանանց սեռական օրգանները չգիտես ինչու վատն են և կեղտոտ/խուժան են։ Ինչպես նաև բնականաբար տղամարդկանցը։ Այս գաղափարները սոցիալականացման համար գալիս են համընդհանուր օգտագործվող լեզվամտածողությունից , սեռական բնույթի կարծրատիպերից , սոցիալական նորմերից և օգտագործվող տերմիններից։ Սակայն փաստն այն է , որ հեշտոցները մշակութային ատելության թիրախն են և գլխավոր ատելության օբյեկտը համեմատած տղամարդկանց օրգանների և սեռի հետ, քանի որ տղամարդկանց սեռական օրգանը դիտվում է որպես հարձակվող ավելի շուտ, քան պասիվ և նվաստացուցիչ՝ ինչպես հեշտոցը։ Մենք կարող ենք սրա դեմն առնել լինելով ավելի կրթված և տեղեկացված։ Եթե ցանկանում են վիրավորել որևե մեկին ավելի ճիշտ կլինի արտահայտել կոնկրետ հատկանիշ և կոնկրետ մարդու անուն, քանի որ այլ բառեր ու ածանցներ օգտագործ

Ծլիկ․․․ի՞նչ նպատակ ունի այն

Լուսանկարը՝ med-practic.com Ծլիկն ունի մի շատ պարզ նպատակ: Նա մարմնի միակ օրգանն է, որը պարզապես ստեղծված է հաճույք ստանալու համար: Ծլիկն իրենից ներկայացնում է նյարդային հանգույց: Ավելի ճիշտ 8,000 նյարդային կծիկներ: Սա նշանակում է, որ ծլիկի նյարդային կծիկների կենտրոնացումն ավելի բարձր է տղամարդու կամ կնոջ մարմնում գտնվող մի ուրիշ օրգանի նյարդերի քանակից, ներառյալ մատների ծայրերը, շուրթերնը ու լեզուն: Ծլիկում գտնվող նյարդերի քանակը երկու անքամ գերազանցում է առնանդամինը: Սա մի դրական փաստ է հեշտոցի մասին, Նատալի Անժեյի `“Կին․ Մի ինտիմ Աշխարագրություն” գրքից:

Առաջին դաշտան. ի՞նչ է պետք իմանալ

Դաշտանը կնոջ սեռական ուղիներից արյունային արտադրությունն է, որը պարբերաբար ի հայտ է գալիս դաշանային ցիկլի վերջում արգանդի լորձաթաղանթի ֆունկցիոնալ շերտի շերտազատման արդյունքում։ Առաջին դաշտանը համընկնում է սեռական երկրորդային նշանների ի հայտ գալուն, որը վկայում է սեռական հասունացման սկսման մասին: Այդ ժամանակ աղջիկներից ու պատանիներից շատերի դեմքին առաջանում են պզուկներ, մաշկը և մազերը ճարպոտում են, ուժեղանում է քրտնարտադրությունը: Այդ երևույթները պայմանավորված են ներզատիչ գեղձերի գործունեությամբ և սեռական հորմոնների բուռն արտադրությամբ: Լինելով սովորական ֆիզիոլոգիական փոփոխություններ` նրանք անցնում են առանց բուժման: Առաջին դաշտանը սովորաբար տեղի է ունենում 11-15 տարեկանում, սակայն երբեմն այն կարող է տեղի ունենալ 9-10, ինչպես նաև 16 տարեկան հասակում: Առաջին դաշտանից մի քանի ամիս առաջ հեշտոցից կարող է նկատվել անգույն կամ սպիտակավուն, հեղուկանման կամ մածուցիկ արտադրություն: Դա կոչվում է ֆիզիոլոգիական սպիտակահոսք և միանգամայն բնական երևույթ է: Առաջին դաշտանը սովորաբար շատ թեթև է լինում և