«Այլմոլորակայինի համար անտեսանելի մնալն ավելի հեշտ է, քան ինձ համար».Նատալիա Տրուխինա

լուսանկարը՝fishki.net

Նատալիա Տրուխինան ծնվել է Չիտայում, ավարտել է թիվ 40 դպրոցը: Եվ արդեն 14 տարեկանում նա սկսել է " երկաթ կռել ": Նա զբաղվել է բոդիբիլդինոգով: Այսօր Նատաշան պառկած ձգումների և արմլիֆտինգի աշխարհի չեմպիոն է, ինչպես նաև միջազգային կարգի սպորտի վարպետ:

«Երբ մարզասրահ եկա, շատ նիհար էի և 40 կիլոգրամից քիչ կշիռ ունեի: Ամեն դեպքում ես միշտ սպորտային տեսք ունեի: Միշտ արագ վազում էի և լավ թռնում: Ծանոթներիցս ոչ մեկը չզարմացավ, երբ ես սկսեցի մարզվել սրահում: Մարզումների հետևանքով շատ արագ փոփոխություններ տեղի ունեցան : Արդեն վեց ամիս անց, ես մասնակցեցի առաջին մրցումներին»- պատմում է Նատալիան:

Նատաշան շատ հետևողական աղջիկ է և եթե որևէ բան դրել է մտքին, ուրեմն անպայման դա իրականցնում է: Դրա շնորհիվ, արդեն 18 տարեկանում նա Մերձբայկալյան շրջանի բոդիբիլդինգի երկակի չեմպիոն էր: 

-Նատաշա, դու արդեն երկար ժամանակ ապրում ես Մոսկվայում: Դու Մոսկվա տեղափոխվեցիր կարիերայի՞դ համար:

- Ծնողներիս աշխատանք առաջարկեցին մայրաքաղաքում և մենք տեղափոխվեցինք: Ես ընդունվեցի Մոսկվայի ֆիզկուլտուրայի և սպորտի ակադեմիա և շարունակեցի մարզվել: Այնպես որ ես դիպլոմավոր "սպորտսմենուհի " եմ,- կատակոմ է նա։

Նատալիան շատ բաց և շփվող մարդ է: Նա մեծ հաճույքով պատասխանում է հարցերին և պատմում իր նախապատվությունների մասին: Գուցե հենց այն պատճառով, որ նա ունի մեծաթիվ ֆան-ակումբներ, որոնց մասնակիցների հետ կիսվում է իր ձեռքբերումներով , նկարներով և պարզապես մտքերով: Նա մշտապես բաց է շփման համար:


-Հաճա՞խ ես մարզվում, ամե՞ն օր:

- Ես ունեմ շաբաթական 4-5 մարզում: Լինում է նաև օրը երկու անգամ: Ամեն ինչ կախված է մոտակա նպատակնեից, ելույթներից և մարզումներին պատրաստվելուց:

-Ի՞նչ խորհուրդ կտաս աղջիկներին, ովքեր ցականում են զբաղվել սպորտով։

- Գնալ և մարզվել: Շատերը վախենում են, որ կունենան ահավոր մեծ մկաններ, բայց նման բան տեղի չի ունենա: Իսկ այ գեղեցիկ և սպորտային մարմին անպայման կունենան:

-Դժվա՞ր է ունենալ այնպիսի մարմին, ինչպին քոնն է: Շատերը դրա համար օգտագործում են հատուկ պրեպարատներ: Իսկ դո՞ւ:

-Դժվար է և' կանանց և' տղամարդկանց համար: Մարզվում են միլիոնավոր մարդիկ, բայց ընդունվում են հարյուրավորները և հաղթում եզակիները: Այստեղ էլ ամեն ինչ այնպես է, ինչպես ցանկացած այլ սպորտաձևում: Ամեն մարդ մարզվում է իր նախընտրությամբ: Ոչ ոք այդ մասին բարձրաձայն չի խոսում: Ուժային սպորտաձևի ցանկացած մարզիկ ունի որոշակի հատուկ սնունդ, որը օգնում է և հեշտացնում կյանքը: 

Նատաշան ամուսնացած է և նրա ամուսինը կիսում է կնոջ ապերլակերպը: Նա օգնում է Նատաշային մարզվելիս, քանի որ ազատ ոճ ըմբշամարտի սպորտի վարպետ է: Այժմ նա ունի իր սեփական բիզնեսը: Նրանք մարզասրահ են այցելում նույնիսկ հանգստյան օրերին: Նատաշայի ամուսինն ունի մի տղա: Ընդհանուր երեխաներ նրանք չունեն, սակայն Նատալիան ասում է, որ անպայման կլինեն:

-Սիրու՞մ ես շոփինգ։

- Երբ ես փողոց եմ դուրս գալիս, գիտեմ, որ իմ վրա անպայման ուշադրություն են դարձնելու: Իրականում այլմոլորակայինի համար ավելի հեշտ կլինի փողոցով աննկատ անցնելը , քան ինձ համար:

-Ինչպե՞ս ես հանգստանում։

- Սիրում եմ հանգստանալ ծովի ափին: Ազատ ժամանակ գնում եմ կինո, շատ եմ սիրում սրճարաններ: Սիրում եմ համեղ ուտել:

Աղբյուրը՝ Fishki.net