Հայ պլաստիկ վիրաբույժները սեռափոխության վիրահատություն են անում

լուսանկարը՝ emjreviews.com

Հայաստանում անում են ցանկացած տրպի պլաստիկ վիրահատություն` ճարպերի արտածծում, կրծքագեղձի և որովայնի առաջին պատի պլաստիկա, կնճիռների ձգում, հետույքի, շրթունքների, անգամ սեռափոխության վիրահատություններ:

«Արֆա մեդ» բժշկական կենտրոնի վիրաբույժ Գարեգին Միրաքյանի հավաստմամբ` ամենաշատ դիմումները լինում են քիթը վիրահատելու համար, ինչը, ըստ մասնագետի` համարյա բոլոր հայերի խնդիրն է:

Գարեգին Միրաքյանը նաև պատմեց, որ վերջին ժամանակներս երկու դիմում է եղել սեռափոխության վիրահատության համար, սակայն իրենք մերժել են:

Իսկ ահա վիրաբույժ Առաքել Շահենիչն ասում է, որ իրենց բաժանմունքում Մոսկվայում վերապատրաստված համապատասխան մասնագետ ունեն եւ վերջերս մի սեռափոխության վիրահատության էին պատրաստվում, սակայն վերջում այդ տղան վախեցավ վիրահատության պրոցեսից ու հրաժարվեց:

«Սեռափոխության վիրահատությունը 2 բրիգադով է արվում եւ մկանահյուսվածքների ու շատ այլ բարդ պրոցեսներ է արվում»,-«Ա1+»-ին բացատրեց Առաքել Շահենիչը:

Աղբյուրը՝ A1+