Տղամարդկանց անհարգալից պահվածքը տրանսպորտում. չռված ոտքերով նստելը

լուսանկարը՝ culturalmarxism.net

Տրանսպորտում չռված ոտքերով նստելը որոշ տղամարդկանց սովորություն է, երբ նրանք նստում են ոտքերը չռած՝անհարգալից վերաբերմունք ու նստելաոճ ցուցաբերելով, այդպիսով գրավում են ավելի մեծ տարածք և մեկ նստատեղից ավելի լայն տեղ, ինչի հետևանքով, մյուս ուղևորները ստիպված են երթևեկել կանգնած :

Այս երևույթը երկար ժամանակ համացանցում կատակների առարկա էր, ինչպես նաև ԱՄն-ում, Բրիտանիայում, Թուրքիայում և Կանադայում՝քննարկումների թեմա: Անգլերեն՝ manspreading , նեոլոգիզմը առաջարկվեց ֆեմինիստուհիների կողմից Tumblr սոցիալական կայքում, 2013 թվին, երբ սկսվեց նման «տրանսպորտային մաչիզմի» դեմ ուղղված ծրագիրը:

Նյու Յորքի Metropolitan Transportation Authority (MTA) և Սիեթլի Sound Transit կազմակերպությունները հովանավորեցին մեծ ակցիա, թողարկելով փոսթերներ՝ցուցապաստառներ, որտեղ կոչ էր արվում ավտոբուսներում և գնացքներում մյուս ուղևորների նկատմամբ ունենալ և պահել հարգալից, չափավոր դիրք: Ֆիլադելֆիայի, Չիկագոյի և Վաշինգտոնի /Կոլումբիայի շրջան, ԱՄՆ/ տրանսպորտային ընկերությունների պաշտոնյաները ,թերևս , հերքում են, որ խնդիրը այդքան լուրջ է: МТА ըներությունն անցկացնում է ակցիա .«Ախպե՛րս, խնդրում եմ մի՛ տարածվիր»(Dude, stop the spread please!) նշանաբանով: Ակտիվիստները, ովքեր կարծում են, որ տղամարդկանց նման վարքի դրսևորումները դառնում են ավելի ու ավելի վտանգավոր,պայքարում են դրա դեմ սեփական մեթոդներով: Օրինակ, նկարում են ուղևորներին նման դիրքում և նկարը տեղադրում համացանցում, համապատասխան վիրավորական մեկնաբանություններով,այդպիսով պախարակելով նրան հանրության առջև։

Երբ ակտիվիստները քննադատում են տղամարդկանց նման պահվածքը, քանի որ դա այլ ուղևորների նկատմամբ անուշադրության և կոպտության դրսևորում է, դրանք ենթակվում են քննադատության այն բանի համար, որ իրենց ուշադրությունը կենտրոնացնում են միայն տղամարդկանց վրա, այն դեպքում, որ երբեմն կանայք նույնպես տրասնպորտում գրավում են մեկից ավելի տեղ: Իսկ նկարների հրապարակումը քննադատվում է որպես անթույլատրելի հասարակական վիրավորանք:

2015թվի մայիսին Նյու Յորքում երկու լատինաամերիկացիներ կանգնեցին դատարանի առջև` «տրանսպորտում անհարգալից նստելու» համար։

Նման դիրքով եթե ինչ որ կին նստեր ապա նրան անպայման կսաստեին հայացքով, կամ կմեկնաբանեին նրա պահվածքը՝ որպես անբարո կամ լպիրշ։ Ոչ ոք չի ասում, որ կանայք նույնսպես այսպես նստեն։ Բոլորովին ոչ։ Խոսքը գնում է հանրային տարածքի մասին, որ այն գրավում են միայն տղամարդիկ։ Պատճառաբանությունը, որ նրանց ամորձիները կամ առնանդամը խանգարում է իրենց՝ ոտքերը փակ նստելուն, ամենախելահեղ հիմարություննե է։ Քանի որ ֆեմինիստներից մեկը կատակով ասել է. «Ես էլ բավականին մեծ կրծքեր ունեմ, որոնք ինձ խանգարում են ձեռքերս գոգիս դրած կանացի նստելուն, բայց ես հո չեմ տարածում ձեռքերս հարևանությամբ նստածների ուսերին կամ նստատեղ գրավում»։