Որքան մեծ է աղջիկների գերազանց առաջադիմությունն ուսման մեջ. գիտնականներ

լուսանկարը՝ eingleses.com

Աշխարհի մեծ թվով երկրներում աղջիկները միջնակարգ դպրոցներում սովորում են տղաներից ավելի լավ: Աղջիկների կրթական հաջողությունները կախում չունեն սեռերի հավասարությունից, տնտեսական և սոցիալական զարգացումից և ընդհանրապես հասարակության մեջ առկա այլ տեսակի հավասարությունից: 

Նման հետևության են հանգել ամերիկացի գիտնականներն , ովքեր ի մի են բերել աշխարհի 74 երկրների մեկուկես միլիոն 15-ամյա դպրոցականների վերաբերյալ տվյալները: Հետազոտությունը ներկայացվել է Intelligence ամսագրում, իսկ Միսսուրիի համալսարանի մամլո հաղորդագրության մեջ դրան կարճ անդրադարձ է կատարվել:

Գիտնականներն աշխատել են ՄԱԿ-ի, ինչպես նաև Դպրոցականների Կրթական Հաջողությունների Գնահատման Միջազգային Ծրագրի կողմից տրամադրված տվյալների հետ, որոնք հավաքագրվել են 2000-2010թթ ընթացքում: 

Ի տարբերություն նման շատ հետազոտությունների , որոնք կատարվում են միայն մաթեմատիկայի բնագավառում և որտեղ բերվում են տղաների և աղջիկների համեմատական արդյունքները, այս դեպքում գիտնականները հետազոտությունն անցկացրել են տաբեր առարկաների բնագավառում: Դրանք են ընթերցանությունը, մաթեմատիկան, բնական գիտությունները` ֆիզիկա, քիմիա, բիոլոգիա:

Պարզվել է , որ հետազոտության մեջ մասնակից երկրների կամ շրջանների 70 % -ի աղջիկները սովորում են տղաներից ավելի լավ: Բացառություն են կազմել երեք շրջաններ` Կոլումբիան, Կոստա Ռիկան և հնդկական Հիմաչալ Պրադեշ նահանգը: Գիտնականների համար պարզ չէ, թե ինչո՞ւ են հենց այս շրջաններն ընկել բացառությունների շարքը /դրանց միավորող միակ հանգամանքը սուրճի պլանտացիաներն են/:

Տարբեր երկրների, ինչպես` Բրիտանիայի , ԱՄՆ-ի և այլնի, երկու սեռերի միջև ուսման առաջադիմության տարբերությունը հասնում է մինիմումի: Իսկ բոլորից լավ աղջիկ դպրոցականները սովորում են այն պետություններում, որոնք հայտնի են սեռերի խիստ անհավասարությումբ: Դրանք են` Կատարը, Հորդանանը, Արաբական Միացյալ Էմիրությունները:

"Նույնիսկ այն երկրներում, որտեղ կանանց իրավունքները խիստ սահմանափակ են, 15 տարեկան աղջիկներն ավելի լավ են յուրացնում մաթեմատիկան, ընթերցանությունը և բնական գիտությունները",- հայտարարել է հետազոտության ղեկավար Դևիդ Գիրին: Այլ կերպ ասած, հասարակության մեջ առկա գենդերային հավասարությունը ոչ մի կերպ չի ազդում դպրոցական առաջադիմության վրա: Ֆինլանդիայում և Կատարում աղջիկների ուսման մակարդակը նույնն է:

Ստացված արդյունքները գիտնականներին հանգեցրել են հետևյալ հարցին. եթե միջնակարգ դպրոցի ավարտական դասարանում աղջիկների առաջադիմությունն ավելի բարձր է, ինչո՞ւ են նրանք այդքան թույլ ներկայացված քաղաքականության մեջ, բիզնեսում և գիտության բնագավառում: Զարգացող երկրներում դա կապված է տնտեսական և սոցիալական գործոնների հետ, իսկ մոլորակի ավելի հարուստ շրջաններում դրան են գումարվում նաև երկրի ներքին պատճառները: Բանն այն է, որ Եվրոպայի, ԱՄՆ-ի և Ճապոնիայի գերազանց սովորողների մեջ աղջիկների և տղաների թիվը նույնն է և երբեմն էլ՝ավելին: Այսպիսով, երևի գերազանցիկների հենց այս խմբից է ձևավորվում մեր մոլորակի ապագա գործնական, քաղաքական և գիտական էլիտան:


Աղբյուրը՝ Lenta.ru