Աշխատող կանանց միայն 36%-ն ունի վարձատրվող դեկրետային արձակուրդի իրավունք

Ամբողջ աշխարհում կանանց մեծ մասը չունի մայրության պաշտպանության ադեկվատ երաշխիքներ, այդ թվում նաև վարձատրվող դեկտրետային արձակուրդի իրավունք: Այս մասին նշվում է «Երեխաների սոցիալական պաշտպանությունը. քաղաքականության բնագավառի հիմնական տենդենցները և վիճակագրական տվյալները» խորագրով Աշխատանքի միջազգային կազմակերպության նոր հետազոտության մեջ

Զեկույցի համաձայն, աշխարհի աշխատող կանանց միայն 36 տոկոսն ունի վարձատրվող դեկրետային արձակուրդի իրավունք: Ընդ որում, օրենքի ոչ արդյունավետ իրագործման պառտճառով, այդ գումարը իրականում ստանում է կանանց ընդամենը 28 տոկոսը:

Աշխատանքի միջազգային կազմակերպության փորձագետները նշում են, որ վերջին տարիներին աճել է փոքրիկ դրամական վճարումների ծրագրերի քանակը, ընդ որում մեծ բացթողումներ կան պարբերական նպաստների վճարման հարցում:

Զեկույցի տվյալներով, աշխարհի 108 երկրներիում սահմանադրությամբ գործում են օրենսդրությամբ հաստատված, երեխաների համար նախատեսված նպաստների ծրագրեր, սակայն դրանք երբեմն ներառում են հասարակության միայն մի փոքր խումբ:

Աշխատանքի միջազգային կազմակերպության Սոցիալական Պաշտպանության Դեպատարմենտի ղեկավար` Իզաբել Օրտիզը ուշադրությունը հրավիրում է կանանց և երեխաների վրա Եվրոպայում հարկային-բյուջետային քաղաքականության խստացման բացասական հետևանքներին:

Զեկույցում բերվում են նաև դեկրետային արձակորդների տևողության վերաբերյալ տվյաներ: Նախկին ԽՍՀՄ երկրները այդ ցուցանիշներով զբաղեցնում են առաջին տեղերը: Օրինակ` Հայաստանում, Ռուսաստանում և Տաջիկստանում դեկրետային արձակուրդի տևողությոնը կազմում է 140 օր, Ադրբեջանում, Բելառուսում, Խազախստանում, Կիրգիզստանում, Ուզբեկստանում և Ուկրաինայում` 126 օր: