2 այլընտրանք` տամպոններին և միջադիրներին

Ստորև մենք ներկայացնում ենք մի քանի ոչ ավանդական իրեր` դաշտանային ցիկլի ժամանակ օգտվելու համար: Դրանք ոչ միայն ավելի մատչելի են, այլ նաև ավելի հաճելի են օգտագործման համար, էկոլոգիապես մաքուր են, քանի որ խոսքը չի գնում միանգամյա օգտագործման իրերի մասին:

Դաշտանային անոթ 

Օգտագործվում է ներսից, ինչպես տամպոնը, սակայն հավաքում է դաշտանային արտադրությունները, ոչ թե ներծծում դրանք
 

• Պատրատված է բժշկական սիլիկոնից 
• Հիպոլարեգեն է, չի պարունակում լատեքս, չունի հոտ և ապահով է
• Մատչելի է, չի աղտոտում շրջակա միջավայրը: Այն կարելի է օգտագործել մինչև 10 տարի
• Միանգամյա օգտագործման հիգիենիկ պարագաներին փոխարինող առողջ և հիգիենիկ միջոց  է
• Հեշտ և հարմար է օգտագործել: Դատարկել օրական 2-4 անգամ: Կարելի է օգտվել նաև գիշերը` քնած ժամանակ
• Անոթի ներքին մակերևույթը հարթ է, ունի տափակ ցուղուն, մաքրությունը կատարվում է շատ հեշտ
• Կարելի է ստերիլիզացնել եռացող ջրում 2-5 րոպե
•  Հարմար է բոլոր կանանց համար
• Կարելի է օգտագործել նախքան սեռական կյանքի սկիզբը, ներարգանդային պարուրակի և հակաբեղմնավորիչ դիաֆրագմայի հետ միասին
• Չի կարելի օգտագործել հետծննդաբերական արյունահոսության ժամանակ, բորբոքային  պրոցեսներից խուսափելու համար
• Չի փոփոխում հեշտոցի ներքին միկրոֆլորան, և չի չորացնում հեշտոցի լորձաթաղանթը
• Չի նպաստում մանրեների առաջացմանը, որոնք նպաստում են միզասեռական օրգանների բորբոքմանը. դաշտանային անոթները երբեք կապ չեն ունեցել տոքսիկական շոկի սինդրոմի հետ
• Կարելի է օգտագործել ցանկացած սպորտաձևով զբաղվելու ժամանակ
• Չի փորձարկվել կենդանիների վրա

Անոթը լինում է  երկու չափսերի
1. Եռեսուննանց կամ արդեն ծննդաբերած կանանց համար
2. Մինչև 30 տարեկան կանանց համար, ովքեր չեն ծննդաբերել

Օգտագործման եղանակը
1. Լվանալ 2. Շրջել 3. Պահել 4. Տեղադրել 5. Դուրս բերել և դատարկել 6. Կրկին օգտագործել

Այս տարան կարող եք գնել այստեղ, որն արժե 5600 դրամ:

Ծովային սպունգ

Բնական սպունգը, որն իր տեսքով նման է տամպոնի, նախատեսված է դաշտանային արյունը ներծծելու համար: Այն շատ փափուկ է և անհարմարավետության զգացողություն չի առաջացնում

Օգտագործման եղանակը
Սպունգը թրջեք ջրում, քամեք և զգուշությամբ տեղադրեք հեշտոցի մեջ: Մի քանի ժամ անց, կախված ձեր զգացողությունից, դուրս բերեք լվացեք ջրի տակ և նորից տեղադրեք: Անհրաժեշտության դեպքում կարելի է սպունգի վր ակարել թել, ինչը ավելի կհեշտացնի դրա օգտագործումը:

Մաքրելը
Դաշտանային փուլի վերջում, սպունգը լավ լվացեք և   եռացրեք  ջրի մեջ, ավելացրեք թեյի ծառի յուղ  /մեկ բաժակ ջրին երկու կաթիլ/, կամ մեկ գդալ քացախ կամ սոդա: Սպունգը քամեք և պահեք չոր տեղում:

Ցավոք սրտի մենք չենք կարող ասել, թե ԱՊՀ երկրներում ինչպես կարելի է ձեռք բերել այս սպունգը: Եթե դուք գիտեք, որտեղ և ինչպես է դա հնարավոր անել, շնորհակալ կլինենք, եթե մեզ տրամադրեք այդ կապակցությամբ որևէ տեղեկություն:

Աղբյուրը՝svobodna.org.ua

Թարգմանված է ռուսերենից

Թարգմանեց՝ Նարինե Գրիգորյան