ՄԱԿ-ի խաղաղապահներին խնդրել են հանձնել թեստ հայրության ճանաչման համար

լուսանկարը՝c2.thejournal.ie

ՄԱԿ-ը սկսել է պատերազմական գոտիներում ծառայող իր խաղաղապահներին առաջարկել թեստեր հաձնել հայրության ճանաչման համար։ Ծրագիրն իրականացվում է մի քանի ներքին հետաքննություններից հետո, որոնց արդյունքում պարզվել է, որ այդ շրջաններում բազմաթիվ երեխաներ ծնվել են "կապույտ սաղավարտավորների" կողմից նրանց մայրերի նկատմամբ կիրառված բռնաբարությունների հետևանքով: Այս մասին հաղորդում է Associated Press գործակալությունը:

Այս կապակցությամբ խաղաղապահներ գործուղող յուրաքանչյուր երկիր պետք է որոշում ընդունի ինքնուրույնաբար, դիմումների կոնկրետ դեպքերից ելնելով: Ծրագիրը դժվար թե հնարավոր լինի անցկացնել պարտադիր կերպով, նշում է գործակալությունը: Կախված տվյալ երկրի սահմանադրությունից, հետաքնության դրական արդյունքի դեպքում խաղաղապահներին կսպասվի ոչ միայն ալիմենտի վճարում, այլ նաև բանտարկություն` բռնաբարության համար:

Գործակալությունը գրում է. "Հայտնի չէ, թե կոնկրետ քանի երեխա է աշխարհում ծնվել ՄԱԿ-ի խաղաղապահներից": Ներկա դրությամբ, ՄԱԿ-ի խաղաղապահների թիվն ամբողջ աշխարհում կազմում է 125 հազար :

Հունիսի սկզբին խաղաղապահները հայտնվեցին սկանդալի կիզակետում, այն բանից հետո, երբ մամուլում հայտնվեց ՄԱԿ-ի ներքին վերահսկողության կառավարման ծառայության զեկույցը` պատերազմական շրջաններում բռնաբարությունների մասին: Փաստաթղթում մասնավորապես խոսվում է այն մասին, որ ծառայողները սեքս ծառայությունների դիմաց տեղացի կանանց առաջարկել են զարդեր, բջջային հեռախոսներ և նույնիսկ՝ կոշիկ: Ընդ որում, դեպքերի մեկ երրորդում խոսքը գնում է երեխաների հետ սեռական կապի մասին, որոնք չեն հասել 18 տարեկանի: Այս մասին հաղորդում է The Telegraph-ը:

Գործակալության տվյալներով, 2008 -2013 թթ գրանցվել է խաղաղապահների մասնակցությամբ նման 480 դեպք: Ամենից շատ դեպքերը տեղի են ունեցել Լիբերիայում, Հաիթիում, Հարավային Սուդանում և Կոնգոյի դեմոկրատական հանրապետությունում: 2014 թվին ՄԱԿ-ի խաղաղապահների դեմ առաջադրվել է 51 մեղադրանք ` սեքս պարտադրելու համար:

Պատերազմական շրջաններում ՄԱԿ-ի խաղաղապահների կողմից կանանց սեռական շահագործման մասին առաջին անգամ հայտնի դարձավ 10 տարի առաջ, "կապույտ սաղավարտների" նախկին ներկայացուցիչ Զեյդ Ռաադ Ալ Հուսեյնի զեկույցից, ով ավելի ուշ զբաղեցրեց ՄԱԿ-ի մարդու իրավունքների բարձրագույն կոմիսարի պաշտոնը: Այդ կանանց երեխաները մեծ մասամբ ապրում են աղքատության շեմից ցածր պայմաններում, որի մասին ասվում է զեկույցի մեջ: Հենց այն ժամանակ առաջարկ եղավ կատարել պարտադիր ԴՆԹ թեստեր "կապույտ սաղավարտավորների" համար: Կանխատեսվում էր, որ դա կարող էր օգնել վերջիններիս կողմից ավելի հեշտ ընդունել երեխային և կրել նրա ծնվելու պատասխանատվությունը:

Աղբյուրը՝ lenta.ru