Մեքսիկայում կանանց պայքարը` անվտանգության ու արդարության համար․Փաստեր և թվեր

լուսանկարը՝ kingoftheflatscreen.com

Մեքսիկայում համարյա ամեն չորրորդ կինը ենթարկվում է ֆիզիկական կամ սեռական բռնության, իր զուգընկերոջ կողմից //2006թ. ընտանիքում դինամիկ հարաբերությունների ազգային հետազոտության տվյալներից//:

 Բռնության ենթակված կանանց 86 տոկոսն այդ մասին չեն հայտնում իրավապահ մարմիններին //2006թ. ընտանիքում դինամիկ հարաբերությունների ազգային հետազոտության տվյալներից//:

Մեքսիկայում գործում են օգնության 60 կենտրոններ: Դրանիցից 36-ը կառավարվում են հասարակական կազմակերպությունների, իսկ մյուսները` նահանգների ու քաղաքների ղեկավարության կողմից:

Հետաքննություններ և մեղադրական վճիռներ.

Չիապաս նահանգում կանանց նկատմամբ բռնությունների մասին հայտարարությունների 90 տոկոսն ավարտվում են կողմերի հաշտեցմամբ: Դրա պատճառն այն է, որ կառավարական մարմինները տուժածի վնասվածքները շատ լուրջ չեն համարում, կամ հենց տուժածը չի ցանկանում շարունակել հետաքննությունը /«ընտանիքի կոմպլեքսային զարգացման համակարգի» տվյալներից/:

nobelwomensinitiative.org

2005թվին Սյուդադ-Խուրաես քաղաքում 177 տեղական չինովնիկներ մեղադրվեցին 10 տարվա ընթացքում մոտ 300 կանանց սպանության գործերի հետաքննության ժամանակ ծառայողական դիրքի չարաշաhման մեջ: Սակայն նրանցից  և ոչ մեկը պատասխանատվություն չկրեց:

Սան-Սալվադոր-Աթենքո քաղաքում ոստիկանները մասնակցել էին 2006թ. մայիսի 3-ից 4-ն ընկած ժամանակահատվածում ձերբակալված 26-ից ավելի կանանց նկատմամբ բռնությունների և սեռական ոտնձգությունների իրականացմանը: Չնայած նահանգային և ֆեդերալ մասշտաբով իրականցված հետաքննությանը, այսօրվա դրությամբ միայն 6 պաշտոնյայի նկատմամբ է հարուցվել քրեական գործ: Բոլոր նրանք մեղադրվում են ընդամենը փոքրիկ իրավախախտումների մեջ:

Օրենսդրությունը.

2007թ փետրվարին ուժի մեջ է մտել « Կանանց   նկատմամբ  առանց բռնության կյանքի մասին համընդհանուր օրենքը»։ Այդ օրվանից, շատ նահանգներ ընդունել են նմանատիպ օրենքներ, սակայն  այդպես էլ կոնկրետ քայլեր  չեն ձեռնարկել` օրենքի կիրառման համար անհրաժեշտ ֆինանսական միջոցների հատկացման և  վերահսկողության համար։

Աղբյուրը՝ Amnesty International