Նրանք նույնիսկ չեն էլ մտածում, որ ֆեմինիզմը դա կանանց հավասար իրավունքներ ունենալու մասին է։ Նրանք մտածում են, որ ֆեմինիստները ատում են տղամարդկանց և միշտ կատաղած են։ Եթե մենք հնարավորություն ունենանք սահմանել թե ինչ է ֆեմինիզմը ապա այդ դեպքում կշեշտվի, որ ֆեմինիզմը սեքսիզմին, սեքսիստ ճնշմանը և շահագործմանը վերջ դնելու համար շարժում է, ինչը պարզ կերպով ընդգծում է, որ ֆեմինիզմը տղամարդկանց ատելու մասին չէ։
Այն պարզ կերպով մատնանշում է, որ խնդիրը սեքսիզմն է՝ ոչ թե տղամարդիկ։ Եվ դա օգնում է մտապահել, որ կանայք և տղամարդիկ ծնված օրվանից սոցիալիզացիայի են ենթարկվում ընդունելով սեքսիստ մտքերը և պահվածքը։
Հայրիշխանությանը վերջ դնելու համար, ի դեպ հայրիշխանություն տերմինը ինստիտուցիոնալիզացված սեքսիզմին անվանելու մեկ այլ ձև է, մենք պետք է դադարենք սեքսիստ մտքեր մտածել ու սեքսիստ վարքագիծ դրսևորել և այն փոխարինենք ֆեմինիստական գաղափարներով և գործողություններով։
Տղամարդիկ որպես սեռային խումբ օգուտ են քաղում հայրիշխանությունից և նրանք ներկայումս դրանից լիակատար կերպով օգտվում են։ Հիմնականում նրանք օգտվում են այն ենթադրությունից իբր տղամարդիկ վերադաս են կանանց և այդ պատճառով իրավունք ունեն նրանց իշխելու։
Պատկերացրեք, որ ապրում եք մի աշխարհում, որտեղ չկա տղամարդկանց իշխանություն, որտեղ կանայք և տղամարդիկ ոչ թե հավասարի նման կամ բացարձակապես հավասար են, այլ տիրում է էթիկան և փոխգործակցությության փոխադարձ տեսլականը։
Ֆեմինիստ հեղափոխությունը միայնակ նման աշխարհ չի կարող ձևավորել․ մենք պետք է վերջ դնենք ռասիզմին, դասակարգային էլիտիզմին և իմպերիալիզմին։ Այնուամենայնիվ, լիվին ապավինելով ֆեմինիզմին, մենք կարող ենք փոխել մեր կյանքը, ապրել ներդաշնակ կյանքով և արդարության մեջ, քանի որ ֆեմինիզմը բոլորի համար է։
Մեջբերումներ Բել Հուքսի ֆեմինիզմը բոլորի համար է 2005 թվականի գրքից։
Comments
Post a Comment