Skip to main content

Զարուհի Պետրոսյան. ՀՀ-ում ընտանեկան բռնության ամենաաղմկահարույց դեպքը

2010թ. հոկտեմբերի 1-ին ընտանեկան բռնության արդյունքում ստացված գանգուղեղի վնասվածքի հետևանքով հիվանդանոցում մահացել է Մասիսի բնակիչ, 19-ամյա Զարուհի Պետրոսյանը: Նույն օրը ձերբակալվել է նրա ամուսինը՝ Յանիս Սարկիսովը, ում մեղադրանք է առաջադրվել ՀՀ քրեական օրենսգրքի 112 հոդվածի 2-րդ մասի 14-րդ կետով, այն է՝ առողջությանը դիտավորյալ վնաս պատճառելը, որն անզգուշությամբ առաջացրել է մահ:

Իր մահվան օրվանից մի քանի օր առաջ՝ սեպտեմբերի 22-ին, հերթական վեճից հետո, Զարուհին որոշել էր երեխայի հետ առանձին ապրել: Նույն օրը Զարուհին տեղափոխվել էր իր ընկերուհու մոր բնակարան: 2010թ. սեպտեմբերի 24-ին Սարկիսովն այցելել է այդ բնակարանում միայնակ գտնվող Զարուհուն, ծեծի է ենթարկել՝ մի քանի անգամ գլուխը ուժեղ հարվածելով պատին:

Սեպտեմբերի 26-ին՝ երեկոյան, Սարկիսովը կրկին այցելել է այդ բնակարան՝ իր երեխային մատաղ ուտելու տանելու պատրվակով: Երբ Զ.Պետրոսյանը գնացել է ննջասենյակ, իրեն հետևել է Սարկիսովը և փորձել Զարուհու ձեռքից խլել բջջային հեռախոսը: Այդ ընթացքում Սարկիսովը հնարքի միջոցով վայր է գցել կնոջը, որի գլուխն ուժգին դիպչել է հատակին, ինչից հետո ոտքերով և ձեռքերով հարվածներ է հասցրել Զ.Պետրոսյանի գլխին, որովայնին և մարմնի մյուս հատվածներին: Զարուհու ձայնը լսելով՝ ընկերուհու մայրը մտել է ննջասենյակ և փորձել կանխել Սարկիսովի գործողությունները: 

Վերջինս, հեռախոսը Զարուհու ձեռքից խլելով, հեռացել է բնակարանից: Դեպքից երկու ժամ անց Յանիս Սարկիսովը վերադարձել է, զրուցել Զարուհու հետ, ինչից հետո նրանք միասին վերադարձել են իրենց բնակարան: Զարուհու ընկերուհիների, ինչպես նաև հարևանների խոսքերով՝ դեպքին հաջորդող օրերին Զարուհին գանգատվել է գլխացավերից և որովայնի մասում ցավերից, կապտուկներ է ունեցել, սակայն չի դիմել ո՛չ բուժօգնության համար, ո՛չ էլ ոստիկանություն:

2010թ. սեպտեմբերի 30-ի ժամը 20-ի սահմաններում Զարուհին վատացել է և տեղափոխվել հիվանդանոց: Հիվանդանոցում Զարուհու մոտ ախտորոշել են գանգուղեղի հեմատոմա, աջ ձեռքի 2-րդ մատի փակ կոտրվածք` առանց տեղաշարժի, մարմնի տարբեր շրջանների արյունազեղումներ: Մի քանի ժամ անց Զարուհին, գիտակցության չգալով, մահացել է:

 Զարուհու մահվան փաստով 2010թ. հոկտեմբերի 1-ին հարուցվել է քրեական գործ, որն ավարտվել է 2011թ. փետրվարի 11-ին: Հոկտեմբերի 1-ին ձերբակալվել է Սարկիսովը, ում նկատմամբ որպես խափանման միջոց ընտրվել է կալանքը: Սարկիսովը որպես կասկածյալ հարցաքննվելիս չի ընդունել իր մեղքը և ցուցմունք է տվել այն մասին, որ երբևէ չի ծեծել կնոջը, պնդել է, որ Զարուհին մարմնական վնասվածքները աստիճաններից վայր ընկնելու հետևանք են՝ միևնույն ժամանակ չհերքելով սեպտեմբերի 26-ին տեղի ունեցած քաշքշուկի ժամանակ Զարուհու՝ գետնին ընկնելու փաստը: 
Հետագայում Յ.Սարկիսովը առաջարկել է այլ վարկած՝ պնդելով, որ Զարուհին մահացել էթունավորման հետևանքով՝ ամաչելով իր արտամուսնական սիրային կապից:
Սարկիսովի գործով դատավարությունը մեկնարկել է 2011թ. մարտին Արարատի և Վայոց ձորի մարզերի ընդհանուր իրավասության դատարանում: Սարկիսովն իրեն մեղավոր չի ճանաչել և օգտվել է իր՝ լռություն պահպանելու իրավունքից: Գործով վկաների մեծ մասը ցուցմունք են տվել, որ տեղյակ կամ ականատես են եղել, թե ինչպես է Սարկիսովը պարբերաբար ծեծի ենթարկել իր կնոջը: Համաձայն գործով նշանակված դատաբժշկական չի ճանաչելփորձաքննության եզրակացության՝ Զ. Պետրոսյանը մահացել է գանգուղեղային փակ, բութ տրավմայից, իսկ թույնի ազդեցության հետքեր չեն հայտնաբերել: Եզրակացության համաձայն՝ Զարուհու դիակի ուսումնասիրության ժամանակ հայտնաբերվել են գլխուղեղի վնասվածք, պարանոցի, կրծքավանդակի, որովայնի, վերին և ստորին վերջույթների բազմաթիվ արյունազեղումներ, աջ դաստակի երկրորդ մատի փակ կոտրվածք, հաստ աղու միջընդերքի արյունազեղումներ, ընդ որում՝ բոլոր վնասվածքները պատճառվել են կենդանության օրոք` մահվանից մոտավորապես 5-6 օր առաջ:

2011թ. հոկտեմբերի 14-ին Արարատի և Վայոց Ձորի մարզերի ընդհանուր իրավասության դատարանը Սարկիսովին ՀՀ քրեական օրենսգրքի 112-րդ հոդվածի 2-մասի 14-րդ կետով (առողջությանը դիտավորյալ վնաս պատճառելը, որն անզգուշությամբ առաջացրել է մահ) մեղավոր է ճանաչել ու վճռել է դատապարտել հոդվածով նախատեսված առավելագույն պատժի՝ 10 տարվա ազատազրկման:

Սարկիսովը բողոքարկել է վճիռը ՀՀ վերաքննիչ դատարան, սակայն 2011թ. դեկտեմբերի 27-ին դատարանը մերժել է բողոքը՝ ուժի մեջ թողնելով առաջին ատյանի դատարանի վճիռը: Չհամաձայնվելով Վերաքննիչ դատարանի որոշման հետ՝ 2012 թ. փետրվարի 17-ից որոշակի ժամանակով Սարկիսովը հացադուլ էր հայտարարել: Վճռաբեկ դատարանը 2012 թ. մայիսի 17-ին Սարկիսսովի բողոքը վերադարձվել է՝ ժամկետանց լինելու հիմքով:

ՀԱՍԱՐԱԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐԻ ԳՈՐԾՈՂՈՒԹՅՈՒՆՆԵՐ
Ընտանեկան բռնության զոհ դարձած Զարուհի Պետրոսյանի մահը հասարակության կողմից վրդովմունքի մեծ ալիք բարձրացրեց և նպաստեց նրան, որ 7 հասարակական կազմակերպություն կազմեցին «Ընդդեմ կանանց նկատմամբ բռնության» կոալիցիան՝ նպատակ ունենալով Զարուհու դեպքի հիման վրա պահանջել, որպեսզի կանանց նկատմամբ բռնություն իրականացնողները պատասխանատվության ենթարկվեն, ինչպես նաև բարձրացնել լայն զանգվածների իրազեկվածությունը կանանց ու աղջիկների նկատմամաբ բռնության վերաբերյալ և նպաստել գոյություն ունեցող մտածելակերպի փոփոխությանը ընտանեկան բռնության հանդեպ:
Կոալիցիա կազմող ՀԿ-ները կազմակերպել էին մի շարք միջոցառումներ, որոնք նվիրված էին Զարուհի Պետրոսյանի հիշատակին, ինչպես նաև՝ ընտանեկան բռնության մասին հասարակության տեղեկացվածության բարձրացմանը, այդ թվում՝
- 2011 թ. հոկտեմբերի 3-ին մոմավառության արարողություն էր կազմակերպվել Երևանի կենտրոնում;
- 2011 թ. հունվարի 31-ին՝ պիկետ ՀՀ գլխավոր դատախազության շենքի առջև՝ Զարուհի Պետրոսյանի գործով արդարադատություն իրականացնելու ու մեղավորներին պատասխանատվության ենթարկելու պահանջով: Այդ ակցիան կազմակերպվել էր Լոս Անջելեսում անցկացվող երթին զուգահեռ, որը կազմակերպվել էր Human Rights Council-ի նախաձեռնությամբ և ուղղված էր դադարեցնելու Հայաստանում կանանց հանդեպ բռնությունը:
Այս գործին անդրադարձել է նաև ԱՄՆ Պետական Դեպարտամենտը իր 2011 թվականի մարդու իրավունքների զեկույցում:

Comments

Popular posts from this blog

Հայերեն քֆուրների վերլուծություն. Ինչպե՞ս են օգտագործվում կնատյացության կոնտեքստում

Մի քանի օրինակներ, որոնցով հասարակությունը ողջունում է կանանց նկատմամբ ատելությունը. Ինչպե՞ս պայքարել դրա դեմ Հասարակությունը կանանց չի սիրում և հետևաբար նաև նրանց հեշտոցները։ Շատ վաղ տարիքից մեզ սովորեցնում են, որ հեշտոցները կամ կանանց սեռական օրգանները չգիտես ինչու վատն են և կեղտոտ/խուժան են։ Ինչպես նաև բնականաբար տղամարդկանցը։ Այս գաղափարները սոցիալականացման համար գալիս են համընդհանուր օգտագործվող լեզվամտածողությունից , սեռական բնույթի կարծրատիպերից , սոցիալական նորմերից և օգտագործվող տերմիններից։ Սակայն փաստն այն է , որ հեշտոցները մշակութային ատելության թիրախն են և գլխավոր ատելության օբյեկտը համեմատած տղամարդկանց օրգանների և սեռի հետ, քանի որ տղամարդկանց սեռական օրգանը դիտվում է որպես հարձակվող ավելի շուտ, քան պասիվ և նվաստացուցիչ՝ ինչպես հեշտոցը։ Մենք կարող ենք սրա դեմն առնել լինելով ավելի կրթված և տեղեկացված։ Եթե ցանկանում են վիրավորել որևե մեկին ավելի ճիշտ կլինի արտահայտել կոնկրետ հատկանիշ և կոնկրետ մարդու անուն, քանի որ այլ բառեր ու ածանցներ օգտագործ

Ծլիկ․․․ի՞նչ նպատակ ունի այն

Լուսանկարը՝ med-practic.com Ծլիկն ունի մի շատ պարզ նպատակ: Նա մարմնի միակ օրգանն է, որը պարզապես ստեղծված է հաճույք ստանալու համար: Ծլիկն իրենից ներկայացնում է նյարդային հանգույց: Ավելի ճիշտ 8,000 նյարդային կծիկներ: Սա նշանակում է, որ ծլիկի նյարդային կծիկների կենտրոնացումն ավելի բարձր է տղամարդու կամ կնոջ մարմնում գտնվող մի ուրիշ օրգանի նյարդերի քանակից, ներառյալ մատների ծայրերը, շուրթերնը ու լեզուն: Ծլիկում գտնվող նյարդերի քանակը երկու անքամ գերազանցում է առնանդամինը: Սա մի դրական փաստ է հեշտոցի մասին, Նատալի Անժեյի `“Կին․ Մի ինտիմ Աշխարագրություն” գրքից:

Առաջին դաշտան. ի՞նչ է պետք իմանալ

Դաշտանը կնոջ սեռական ուղիներից արյունային արտադրությունն է, որը պարբերաբար ի հայտ է գալիս դաշանային ցիկլի վերջում արգանդի լորձաթաղանթի ֆունկցիոնալ շերտի շերտազատման արդյունքում։ Առաջին դաշտանը համընկնում է սեռական երկրորդային նշանների ի հայտ գալուն, որը վկայում է սեռական հասունացման սկսման մասին: Այդ ժամանակ աղջիկներից ու պատանիներից շատերի դեմքին առաջանում են պզուկներ, մաշկը և մազերը ճարպոտում են, ուժեղանում է քրտնարտադրությունը: Այդ երևույթները պայմանավորված են ներզատիչ գեղձերի գործունեությամբ և սեռական հորմոնների բուռն արտադրությամբ: Լինելով սովորական ֆիզիոլոգիական փոփոխություններ` նրանք անցնում են առանց բուժման: Առաջին դաշտանը սովորաբար տեղի է ունենում 11-15 տարեկանում, սակայն երբեմն այն կարող է տեղի ունենալ 9-10, ինչպես նաև 16 տարեկան հասակում: Առաջին դաշտանից մի քանի ամիս առաջ հեշտոցից կարող է նկատվել անգույն կամ սպիտակավուն, հեղուկանման կամ մածուցիկ արտադրություն: Դա կոչվում է ֆիզիոլոգիական սպիտակահոսք և միանգամայն բնական երևույթ է: Առաջին դաշտանը սովորաբար շատ թեթև է լինում և