ՄԱԿ-ը բոլոր աղջիկներին կոչ է արել ավելի ակտիվ յուրացնել տեղեկատվական տեխնոլոգիաները

ՄԱԿ-ը կոչ է արել օգնել աղջիկների և երիտասարդ կանանց նոր սենդին ավելի ակտիվ ներգրավվել ճշգրիտ գիտությունների, տեխնիկայի,  մաթեմատիկայի ինչպես նաև ժամանակաից հաղորդակցման և տեղեկատվական տեխնոլոգիաների //այսուհետ` ՀՏՏ// բնագավառներում:

 Ամեն տարի, ապրիլ ամսվա չորրորդ հինգշաբթի օրը Էլեկտրոնային  կապի միջազգային միությունը և համաշխարհային հասարակությունը նշում են «Աղջիկները ՀՏՏ-ում»  միջազգային օրը: Դրա նպատակն է`  մեծացնել կանանց դերը բիզնեսի ժամանակակից ոլորտներոմ:

Ներկա դրությամբ, ուսումնական հասատատություններ ավարտած աղջիկների երեք տոկոսը մասնագիտանում են ՀՏՏ բնագավառում: Տղամարդկանց դեպքում այդ թիվը կազմում է 10 տոկոս:

Եվրոպայում համակարգչային ծրագրեր մշակողների թիվը կազմում է 9 տոկոս, իսկ ՀՏՏ բնագավառի ղեկավարների թվում` 19 տոկոս: Այլ բնագավառներում կին ղեկավարների թիվը կազմում  է 45 տոկոս:

Վերջին հինգ տարիների ընթացքում, տեխնոլոգիական սեկտորի և ազգային կառավարությունների աջակցությամբ, ամբողջ աշխարհում իրականացվել է մոտ 3500 միջոցառում, որոնք ուղղված են ՀՏՏ բնագառավում աղջիկների դերի բարձրացմանը:

Այս տարի «Աղջիկները ՀՏՏ-ում» միջազգային օրվա կապակցությամբ, Էլեկտրոնային  կապի միջազգային միության գրասենյակ   հրավիրվեցին 115 աղջիկներ Ժնևից: 

Նրանց որպես պատվավոր հյուրեր միացել են աշակերտուհիներ Չիլիից, Մյանմաից, Պապուա-Նոր Գվինեայից և Հարավաֆրիկյան Հանրապետությունից: Նրանք մասնակցեցին բարձր մակարդակի քննարկումների: 

Ելույթ ունեցողների թվում էին Մարիա Կլեյվը`ԱՄՆ-ի Հարվի Մադդ քոլեջից, ում հաջողվել է հասնել տեխնիկական մասնագիտություն ստացող  աղջիկների թվի ավելացմանը, Անիտա Բորդի անվան ինստիտուտի նախագահ և գործադիր տնօրեն` Թելլե Ուիթնին, և Քենիայի AkiraChix ոչ կոմերցիան ընկերության նախագահ և համահիմնադիր` Ջուդիթ Օվիգարը:

Էլեկտրոնային կապի միջազգային միության մասնաճյուղերն ամբողջ աշխարհում իրականացրել են մի շարք ծրագրեր` հօգուտ ՀՏՏ-ում աղջիկների ներգրավվածության: 

Սույն թվականի ապրիլի 23-ին Միլանում համաշխարհային «Էքսպո» ցուցահանդեսի շրջանակներում  տեղի ունեցավ «Վարդագույն ամպ` ՀՏՏ-ում ներգրավված աղջիկների համար» միջոցառումը:

Էլեկտրոնային կապի միջազգային միության փորձագետները ազգային կառավարություններին առաջարկել են քննարկել ծրագրավորման  հիմնական դրույթների ներառումը կրթական բնագավառում, այնպիսի հիմնական գիտելիքների հետ, ինչպես կարդալը, գրելը և հաշվելը: 

Նրանք համոզված են, որ ծրագրավորումը և համակարգչային գիտությունները  յուրացնող աղջիկները կնպաստեն երկրի տնտեսության զարգացմանը:

Աղբյուր՝ UN.org

Թարգմանված է ռուսերենից

Նարինե Գրիգորյան