Ինձ թվում է դա գալիս է նրանից, որ կանայք դեռ ժամանակներ առաջ իզոլացված խումբ են համարվել և իրենց կամքին հակառակ առանձնացվել են հասարակության ամեն ինչից, քաղաքական կամ սոցիալական գործերին, հետևաբար եթե կինը ցանկանում էր մտնել որևե նման գործունեության մեջ, նա հագնում էր տղամարդու հագուստ որովհետև տղամարդիկ գրավել էին այդ ոլորտը և նա ստիպված դառնում էր "տղամարդ" որ լինի ընդունված: Մենք առ այսօր ունենք տարանջատումը և սեռի հիման վրա խտրականությունը , առ այսօր կինը պետք է "տղամարդ" կին լինի, որ լինի ընդունված, պետք է ունենա ընդունված տղամարդկային հատկանիշներ և վարքագիծ, որպեսզի ընդունված լինի հայրիշխանական հասարակության մեջ:
Դրա առավել վառ արտահայտումը նաև գտնում ենք նմանատիպ փոքրիկ դետալների մեջ, ինչպես մոդայիկ հագուստ ու աքսեսուարներն են: Երբեք չենք տեսնի ինչ որ տղամարդու, որ հպարտորեն մոդայի համար իրա հագուստի վրա կրեր ասենք պատկերված բարձրակրունկ կոշիկներ, կրծքեր, կրծքկալներ կամ էլի ինչ որ բան որը տիպիկ կանացիություն կարտահայտի:
Մի խոսքով կրկին համոզվում ենք, որ հասարակության մեջ կանայք պետք է ամեն օր պայքարեն, նույնիսկ այնպիսի փոքրիկ բաների համար ինչպես հագուստի ընտրությունն է, հենց այնպիսին ինչպիսին իրենք են ուզում և ինքնատիպ ձևով կանացի լինելն է, առանց առնականության դետալների: Կանացի լինելու մեջ ամոթ բան չկա, ամեն սեռը իր գեղեցկությունն ունի, իր ուրույն հատկանիշները, բայց այս կամ այն սեռի կողմից մյուսի վրա իշխելը ինձ համար անընդունելի է:
Comments
Post a Comment